കാസർകോട്: ജില്ലയിലെ ആദ്യത്തെ കൊറോണ മരണം റിപ്പോർട്ട് ചെയ്തു. ഹൂബ്ലിയിൽ നിന്നെത്തിയ കാസർകോട് മൊഗ്രാൽ പുത്തൂർ സ്വദേശി 48 കാരനായ അബ്ദുൾ റഹ്മാനാണ് മരണശേഷം കൊറോണ സ്ഥിരീകരിച്ചത്.
ഇദ്ദേഹത്തിന്റെ സ്രവ പരിശോധനാ ഫലം ഇന്നാണ് ലഭിക്കുന്നത്. പരിശോധനാ ഫലം പോസിറ്റീവായതോടെയാണ് അബ്ദുൽ റഹ്മാൻ മരിച്ചത് കൊറോണ ബാധിച്ചാണെന്ന് സ്ഥിരീകരിക്കുന്നത്.

മൊഗ്രാൽപുത്തൂർ സ്വദേശിയായ 48 വയസുള്ള ബിഎം അബ്ദുൾ റഹ്മാൻ ഇന്നലെ ഉച്ചയോടെയാണ് മരിച്ചത്. ഗുരുതരാവസ്ഥയിരുന്ന അബ്ദുൾ റഹ്മാനെ ആംബുലൻസിലാണ് തലപ്പാടിയിൽ എത്തിച്ചത്. തലപ്പാടിയിൽ നിന്ന് കാർമാർഗം കാസർകോട് ജനറൽ ആശുപത്രിയിലെത്തിച്ചെങ്കിലും മരിക്കുകയായിരുന്നു.

ആശുപത്രിയിൽ നടത്തിയ ട്രു നാറ്റ് പരിശോധനയിൽ ഇദ്ദേഹത്തിന്റെ ഫലം പോസിറ്റീവായിരുന്നു.