മസ്കറ്റ്: ഒമാനില്‍ ശനിയാഴ്ച കൊറോണ സ്ഥിരീകരിച്ചത് 603 പേര്‍ക്ക്. ഇതില്‍ 343 പേര്‍ പ്രവാസികളാണ്. ഇതോടെ രാജ്യത്തെ മൊത്തം രോഗബാധിതരുടെ എണ്ണം 10423 ആയി. രോഗമുക്തി നേടിയവരുടെ എണ്ണം 2396ല്‍ തുടരുകയാണ്. ഇന്ന് പുതുതായി ആരും രോഗമുക്തി നേടിയില്ല. രണ്ട് മലയാളികളടക്കം 42 പേര്‍ ഇതുവരെ മരണപ്പെട്ടു. 7985പേരാണ് നിലവില്‍ അസുഖ ബാധിതരായിട്ടുള്ളത്പുതിയ രോഗികളില്‍ 459 പേരും മസ്കറ്റ് ഗവര്‍ണറേറ്റില്‍ നിന്നുള്ളവരാണ്.
അതേസമയം ഖത്തറില്‍ 2355 പേര്‍ക്ക് കൂടി കൊറോണ രോഗബാധ സ്ഥിരീകരിച്ചു. പുതിയ രോഗികളില്‍ കൂടുതലും പ്രവാസികള്‍ തന്നെയാണ്. അകെ രോഗം സ്ഥിരീകരിച്ചവർ 55,262 ആയി. എന്നാല്‍ തുടര്‍ച്ചയായ എട്ട് ദിവസങ്ങള്‍ക്ക് ശേഷം ഇന്ന് മരണം റിപ്പോര്‍ട്ട് ചെയ്യാത്തത് ആശ്വാസകരമാണ്. പുതുതായി 5235 പേര്‍ക്ക് കൂടി അസുഖം ഭേദമായി. ആകെ അസുഖം ഭേദമായവര്‍ ഇതോടെ 25,839 ആയി.
