ആലപ്പുഴ : ജില്ലയിൽ വെള്ളിയാഴ്ച മൂന്നു പേർക്കാണ് കൊറോണ സ്ഥിരീകരിച്ചത്. മൂന്ന് പേരും വിദേശത്തു നിന്നും എത്തിയവരാണ്.
മെയ് 27 ന് കുവൈറ്റ് – കൊച്ചി വിമാനത്തിൽനെടുമ്പാശ്ശേരി വിമാനത്താവളത്തിൽ എത്തിയ അമ്പലപ്പുഴ താലൂക്ക് സ്വദേശിയായ യുവാവിന് ഇന്ന് കൊറോണ സ്ഥിരീകരിച്ചത്. രോഗലക്ഷണം കണ്ടതിനാൽ വിമാനത്താവളത്തിൽനിന്ന് ഇദ്ദേഹത്തെ കളമശ്ശേരി മെഡിക്കൽ കോളേജിലാണ് നേരിട്ട് പ്രവേശിപ്പിക്കുകയായിരുന്നു.
മെയ് 19ന് ദമാം — കൊച്ചി വിമാനത്തിൽ എത്തിയ ചെങ്ങന്നൂർ താലൂക്ക് സ്വദേശിയായ മറ്റൊരു യുവാവിനും ഇന്നു രോഗം സ്ഥിരീകരിച്ചു. ഇദ്ദേഹം ജില്ലയിലെ കൊറോണ കെയർ സെൻററിൽ നീരീക്ഷണത്തിൽ ആയിരുന്നു.
മൂന്നാമതായി മെയ് 17ന് അബുദാബി — കൊച്ചി വിമാനത്തിൽ എത്തിയ കുട്ടനാട് താലൂക്ക് സ്വദേശിയായ യുവാവിനാണ് രോഗം സ്ഥിരീകരിച്ചത്. ഇദ്ദേഹവും ജില്ലയിലെ കൊറോണ കെയർ സെൻററിൽ നിരീക്ഷണത്തിലായിരുന്നു.
