പാലക്കാട്: ഒറ്റപ്പാലം തോട്ടക്കരയില്‍ കൊറോണ നിരീക്ഷണത്തിലിരിക്കുന്നയാള്‍ കടയില്‍ പാല്‍ വാങ്ങാനെത്തി. ഇയാളെ നാട്ടുകാരും പോലീസും ചേര്‍ന്ന് ഐസൊലേന്‍ വാര്‍ഡിലേക്ക് മാറ്റി. ഇയാള്‍ എത്തിയ കടയും നാട്ടുകാർ അടപ്പിച്ചു.
അതേസമയം ജില്ലയിൽ
കൊറോണ വ്യാപനം കൂടിയ പശ്ചാത്തലത്തില്‍ നിരോധനാജ്ഞ പ്രഖ്യാപിച്ചു. തിങ്കളാഴ്ച മുതല്‍ നിരോധനാജ്ഞ പ്രാബല്യത്തില്‍ വരും. ഈ മാസം 31 വരെയാണ് നിരോധനാജ്ഞ നിലനില്‍ക്കുകയെന്നും ജില്ലാ ഭരണകൂടം അറിയിച്ചു. ശനിയാഴ്ച മാത്രം 19 പുതിയ കൊറോണ കേസുകളാണ് ജില്ലയിൽ റിപ്പോർട്ടു ചെയ്തത്. ഇതോടെ പാലക്കാട് ജില്ലയിൽ കൊറോണ സ്ഥിരീകരിച്ച് ചികിത്സയിൽ കഴിയുന്ന മലപ്പുറം, തൃശൂർ സ്വദേശികൾ ഉൾപ്പെടെ 44 പേരായി.
