തിരുവനന്തപുരം: അന്യസംസ്ഥാനങ്ങളില്‍ കുടുങ്ങിയ 86,679 പേർ കേരളത്തിലെത്താൻ പാസുകള്‍ക്കായി രജിസ്റ്റര്‍ ചെയ്തു. ഇതില്‍ 45,814 പേര്‍ക്ക് പാസ് നല്‍കി.
രജിസ്റ്റര്‍ ചെയ്തവരില്‍ 37,701 പേര്‍ റെഡ് സോണ്‍ ജില്ലകളിലുള്ളവരാണ്. പാസ് ലഭിച്ചവരില്‍ 19,476 പേരും റെഡ് സോണ്‍ ജില്ലകളില്‍നിന്നാണ്. ഇതുവരെ 16,355 പേര്‍ കേരളത്തിലെ വിവിധ ചെക്ക്പോസ്റ്റുകളില്‍ എത്തി. ഇതില്‍ 8,912 പേര്‍ റെഡ് ജില്ലകളില്‍നിന്നുളള്ളവരാണ്.
വ്യാഴാഴ്ച വന്നവരില്‍ 3,716 പേരെ ക്വാറൻ്റയിനിലേക്കു മാറ്റി.അന്യസംസ്ഥാനങ്ങളില്‍നിന്നു വരുന്നവരെ റെഡ് സോണില്‍നിന്നു വരുന്നു എന്നതുകൊണ്ടുമാത്രം തടയില്ല. രജിസ്റ്റര്‍ ചെയ്യാതെ വരുന്നവരെ അതിര്‍ത്തി കടത്തിവിടേണ്ടന്നാണ് സർക്കാർ നിർദേശം.
