തിരുവനന്തപുരം: വിവിധ സംസ്ഥാനങ്ങളിൽ നിന്ന് ഇന്നുച്ചവരെ 515 പേര്‍ വിവിധ ചെക്ക്‌പോസ്റ്റ് വഴി കേരളത്തിൽ തിരിച്ചെത്തിയെന്ന് മുഖ്യന്ത്രി പിണറായി വിജയന്‍.
അതിര്‍ത്തികളിലെ തിരക്ക് ഒഴിവാക്കാനുള്ള നടപടി സ്വീകരിക്കും. 166263 പേരാണ് നാട്ടിലെത്താനായി നോര്‍ക്ക വഴി രജിസ്റ്റര്‍ ചെയ്തിട്ടുള്ളത്. കര്‍ണാടക, തമിഴ്‌നാട്, മഹാരാഷ്ട്ര എന്നിവിടങ്ങളില്‍ നിന്നാണ് ഏറ്റവും കൂടുതല്‍ പേരുള്ളത്. കര്‍ണാടകയില്‍ 55188, തമിഴ്‌നാട് 50863 മഹാരാഷ്ട്രയില്‍ 22515 എന്നിങ്ങനെയാണ് കണക്ക്. 28272പേരാണ് പാസിന് അപേക്ഷിച്ചത്. അതില്‍ 5470പേര്‍ക്ക് പാസ് വിതരണം ചെയ്തു.
അതിര്‍ത്തിയിലെ തിരക്ക് ഒഴിവാക്കാനുള്ള ക്രമീകരണങ്ങള്‍ ഒരുക്കിയിട്ടുണ്ട്. 13818 ഇതര സംസ്ഥാന തൊഴിലാളികള്‍ കേരളത്തില്‍ നിന്ന് തിരിച്ച് സ്വന്തം നാട്ടിലേക്ക് പോയെന്നും മുഖ്യമന്ത്രി വ്യക്തമാക്കി