തെലുങ്കാന: കൊറോണ ബാധിച്ച്‌ തെലുങ്കാനയില്‍ ചികിത്സയിലായിരുന്ന നവജാതശിശു രോഗമുക്തിനേടി. ജനിച്ച്‌ 20-ാം ദിവസം കുഞ്ഞിന് കൊറോണ സ്ഥിരീകരിച്ചിരുന്നു. 25 ദിവസത്തെ വിദഗ്ധ ചികിത്സയ്ക്കു ശേഷമാണ് രോഗം ഭേദമായി കുഞ്ഞ് ആശുപത്രിയില്‍നിന്നും വീട്ടിലേക്ക് മടങ്ങിയത്.
കുഞ്ഞിന് രോഗം ബാധിച്ചത് പിതാവില്‍ നിന്നാണ് . മഹാബുബ്നഗര്‍ സ്വദേശിയായ കുഞ്ഞിനെ ഏപ്രില്‍ നാലിനാണ് ഹൈദരാബാദിലെ ഗാന്ധി ആശുപത്രിയില്‍ പ്രവേശിപ്പിച്ചത്. കുട്ടിക്ക് രോഗം ഭേദമായതില്‍ ആരോഗ്യമന്ത്രി ഇ. രാജേന്ദര്‍ സന്തോഷം പ്രകടിപ്പിച്ചു.
