വാഷിംഗ്ടൺ: കൊറോണ മറയാക്കി ഫേസ്ബുക്ക് അക്കൗണ്ടു വിവരങ്ങൾ ഹാക്കർമാർ ചോർത്തിയതായി റിപ്പോർട്ട്‌. 26.7 കോടി ഫേസ്ബുക്ക് അക്കൗണ്ട് വിവരങ്ങളാണ് ഹാക്കര്‍മാര്‍ ഡാര്‍ക്ക് വെബ്ബില്‍ വില്‍പനക്കുവെച്ചിരിക്കുന്നതായി സൈബര്‍ സുരക്ഷാ സ്ഥാപനമായ സൈബിള്‍ മുന്നറിയിപ്പായി നല്‍കിരിക്കുന്നത്.
41600 രൂപ നല്‍കുന്ന ആര്‍ക്കും ഇവർ ചോര്‍ത്തിയ വിവരങ്ങള്‍ ലഭിക്കും. ഇങ്ങനെ 542 ഡോളര്‍ (41600രൂപ ) നല്‍കി ഡൗണ്‍ലോഡ് ചെയ്ത് പരിശോധിച്ച ശേഷമാണ് സൈബിള്‍ ഈ വിവരം പുറത്തുവിട്ടിരിക്കുന്നത്
തങ്ങള്‍ക്ക് ലഭിച്ച ഫേസ്ബുക്ക് അക്കൗണ്ടുകളിലെ വിവരങ്ങള്‍ സൈബിള്‍ Amibreached.com എന്ന ലിങ്കില്‍സൂക്ഷിച്ചിട്ടുണ്ട്. ഇവിടെ പോയി ആര്‍ക്കും തങ്ങളുടെ വിവരങ്ങള്‍ ചോര്‍ന്നിട്ടുണ്ടോ എന്ന് പരിശോധിക്കാവുന്നതാണ്
26.7 കോടി ഫേസ്ബുക്ക് അക്കൗണ്ടുകളിലെ വിവരങ്ങള്‍ ഹാക്കര്‍മാര്‍ ഡാര്‍ക്ക് വെബ്ബില്‍ വില്‍പനക്കുവെച്ചിരിക്കുന്നതായി റിപ്പോര്‍ട്ട്. സൈബര്‍ സുരക്ഷാ സ്ഥാപനമായ സൈബിള്‍ ആണ് ഉപഭോക്താക്കള്‍ക്കും ഫേസ്ബുക്ക് അധികൃതര്‍ക്കും ഇക്കാര്യം മുന്നറിയിപ്പായി നല്‍കിരിക്കുന്നത്
ഇമെയില്‍, ഫോണ്‍നമ്പര്‍, ഫേസ്ബുക്ക് ഐഡി, അവസാനത്തെ കണക്ഷന്‍, സ്റ്റാറ്റസ്, പ്രായം തുടങ്ങി അടിസ്ഥാന വിവരങ്ങളാണ് കോടിക്കണക്കിന് അക്കൗണ്ടുകളില്‍ നിന്നും ഹാക്കര്‍മാര്‍ ഒറ്റയടിക്ക് ചോര്‍ത്തിയത്. എന്നാൽ എസ്.എം.എസ്, ഇമെയില്‍ തട്ടിപ്പുകള്‍ക്ക് ഈ വിവരങ്ങള്‍ പലര്‍ക്കും ഉപയോഗിക്കാനാകും.
ഹാക്കര്‍മാരുടെ കേന്ദ്രമായ ഡാര്‍ക് വെബില്‍ വിവരങ്ങള്‍ വില്‍പനയ്ക്ക് വെച്ചതാണ് കാര്യങ്ങള്‍ കൂടുതല്‍ അപകടത്തിലാക്കുന്നത്. ഏത് രീതിയിലാണ് ഹാക്കര്‍മാര്‍ വിവരങ്ങള്‍ ഫേസ്ബുക്ക് സര്‍വറില്‍ നിന്നും ചോര്‍ത്തിയതെന്ന് വ്യക്തമല്ല. വിവരങ്ങള്‍ ചോര്‍ത്തപ്പെട്ട ഭൂരിഭാഗം അക്കൗണ്ടുകളും അമേരിക്കയില്‍ നിന്നുള്ളവരുടേതാണ്.