വാഷിംഗ്ടൺ: അമ്മമാർക്കായി കാർഡ് നിർമ്മിക്കാൻ ഇന്ററാക്ടിവ് ഡൂടിൽ ഒരുക്കി ഗൂഗിൾ.
മാതൃ ദിനത്തിലാണ് ഗൂഗിൾ കാർഡ് നിർമാണ ഡൂടിലുമായി രംഗത്തെത്തിയത്.
2020ലെ മാതൃ ദിനത്തിലെ വ്യത്യസ്തമായ ആശയമായി ഗൂഗിൾ ഇത് അവതരിപ്പിക്കുന്നു. ഗൂഗിൾ ഉപഭോക്താക്കൾക്ക് അവരുടെ അമ്മമാർക്ക് കാർഡ് സൃഷ്ടിക്കാൻ ഇന്‍ററാക്ടി വ്‌ ഡൂടിൽ ഏറെ സഹായമാണ്.
‘തിളങ്ങുന്നതെല്ലാം സ്വർണ്ണമല്ല, പക്ഷേ ചിലപ്പോൾ അങ്ങനെ ആകും. അടുത്തോ അകലെയോ ആയികൊള്ളട്ടെ ഇൗ മാതൃ ദിനത്തിൽ ഇന്നത്തെ ഇന്ററാക്ടിവ് ഡിജിറ്റൽ കാർഡ് മെയ്കിങ് ഡൂടിൽ ഉപയോഗിച്ച് ഹൃദയം കൊണ്ട് ഒരു കല അമ്മക് വേണ്ടി സൃഷ്ടിക്കു.. എല്ലാവർക്കും മാതൃ ദിനാശംസകൾ ‘. പുതിയ ഡൂടിൽ പരിചയപ്പെടുത്തി ഗൂഗിൾ കുറിച്ചു.
പുതിയ ഡൂഡിലിൽ ക്ലിക്ക് ചെയ്ത് അമ്മക്ക് വേണ്ടി ഇഷ്‌ടാനുസരണം കാർഡ് നിർമിക്കാൻ കഴിയുമെന്നതാണ് ഇതിൻ്റെ പ്രത്യേകത.
