അടിമാലി: ദേശീയപാതയില്‍ കല്ലാര്‍കുട്ടി ടൗണില്‍ ടാർ കയറ്റി വന്ന ലോറി കടയിലേക്ക് ഇടിച്ചുകയറി. കടകള്‍ക്ക് മുമ്പില്‍ പാര്‍ക്കു ചെയ്തിരുന്ന ഇരുചക്രവാഹനങ്ങള്‍ ലോറിക്ക് അടിയില്‍ അകപ്പെട്ട് തകര്‍ന്നു. രാവിലെ ഒന്‍പത് മണിയോടെയായിരുന്നു അപകടം നടന്നത്. നിയന്ത്രണം നഷ്ടപ്പെട്ട് അമിതവേഗതയില്‍ ലോറി വരുന്നത് കണ്ട ആളുകള്‍ ഓടി മാറിയതിനാല്‍ വലിയ അപകടം ഒഴിവായി. ലോറി ഡ്രൈവര്‍ പരിക്കില്ലാതെ ഏല്‍ക്കാതെ രക്ഷപ്പെട്ടെങ്കിലും വാഹനത്തിലുണ്ടായിരുന്ന ഒരാള്‍ക്ക് പരിക്കേറ്റു.
